كتير مننا بيحتار وهو بيشترى هدايا العاب اطفال وبيكون السؤال ايه هي اللعبة اللي يحبها الطفل وفي نفس
الوقت تفيده؟، خليني أقولك إن كل سن وليه الألعاب بتاعته، في المقالة دي هنتكلم عن العاب الاطفال من
سن 3 ل 5 سنوات، وده سن مهم جدًا في حياة الطفل، عشان الطفل في المرحلة دي بيكون ابتدى عقله
يكون مهارات جديدة زي التخيل والتفكير وحتى مهارات زي التواصل، عشان كده وانت بتختار اللعبه لازم
تفكر في ايه هي الألعاب اللي تساعده على تطوير مهاراته في السن ده.
لعبة تعليم الحروف والأرقام
في السن ده بيبتدي الطفل في اكتساب بعض كلمات ولكن بيواجه صعوبة في تكوين جمله واضحة، عشان
كده لعبة تعليم الحروف والأرقام مهمة جدًا ليه، فعن طريقها هيقدر ينمى مهارة التواصل وفي نفس الوقت
هيبتدي يخزن معلومات جديدة في عقلة زي الأرقام والحساب، أنصح إن الأب والأم يحاولوا يلعبوا معاه
اللعبه دي عشان يفهم إزاي يكون جمل صحيحة ويعبر عن اللي جواه بدون تلعثم.
لعبة بازل 1000 قطعة
مهارة حل المشكلات هي المهارة اللي من خلالها يقدر الطفل يعتمد على عقله وذكائه الخاص، عشان كده
لازم نساعده يقوي من المهارة دي عن طريق ألعاب زى البازل، أهمية لعبة البازل هي إنها بتخلي الطفل
يدور على المشكله بنفسه لحد ما يلاقي الحل، فتلقائيًا عقل الطفل بيبدأ يثق في قدراته وكمان تحفيز القدرة
على التخيل.
ليجو مكعبات 520 قطعة
الليجو بيقدر يغير من طريقة تفكير الطفل من العشوائية للنظام، وده اللي بيسميه العلماء بطريقة التفكير
الإبداعية، فالطفل لمى بيقدر يبني الشكل بإيده بيحفز عنده منطقه التفكير ومنطقه الخيال في العقل، كمان
الليجو من الألعاب المسلية جدًا للأطفال.
مجسمات الأبطال الخارقين
طبعًا مفيش طفل مابيحبش افلام الابطال الخارقين زي أفينجيرز، عشان كده مهم إنك تقدم له ألعاب
لشخصيات هو عارفها وبيحبها، لأن الألعاب اللي من النوع ده بتقدر تخلي الطفل يكون قصص من خياله
ويعمل علاقات ما بين الشخصيات في مخه، وده يخلي الطفل يطور خياله ويستخدم عقله بأكتر من صورة.
الملخص
الطفل في السن الصغير ده بيكون عقله زي الاسفنجه، فحاول على قد ما تقدر إنك تخلي المعلومات اللي
بتدخل تكون معلومات مفيدة وتنمي فيه مهاراته الإبداعية، كمان لازم تعرف إن الأطفال أذكية جدًا و
بياخدوا بالهم من أدق التفاصيل عشان كده العلماء بينصحوا إن السن ده ألعابه تكون ألعاب يدوية.
